முப்பரிமான நூலகக் கண்காட்சி

மன்னார் தமிழ்ச்சங்கத்தின் ஏற்பாட்டில் நூலக விழிப்புணர்வு நிறுவகம் நடாத்தும் மாபெரும் 5 நாள் (9,10,11,12,13 – 07-2015) முப்பரிமாண நூலகக் கண்காட்சி மன்/அல் அஸ்ஹர் தேசிய பாடசாலையில் இன்று (09/07/2015) சம்பிரதாயபூர்வமாக ஆரம்பிக்கப்பட்டது. மன்னார் தமிழ்ச்சங்க தலைவர் பிரம்மஸ்ரீ மஹா தர்மகுமார சர்மா அவர்களின் தலைமையில் நடைபெற்ற இந்நிகழ்விற்கு பிரதமவிருந்தினராக மன்னார் நகர பிரதேச செயலாளர் திரு.கே.எஸ்.வசந்தகுமார் கலந்துகொண்டார். மேலும் சிறப்பு விருந்தினர்களாக மன்னார் உதவிப்பிரதேச செயலாளர் திருமதி.சிவசம்பு கனகாம்பிகை, நூலக நிறுவன தலைவர் செல்வி.ஸ்ரீகாந்தலக்ஸ்மி அருளானந்தம், மூத்த ஊடகவியலாளர் பொ.மாணிக்கவாசகர் மற்றும் மன்னார் மாவட்ட தேசிய, மாகாண பாடசாலைகளின் மாணவர்களும், ஆசிரியர்களும் கலந்து கொண்டு சிறப்பித்தனர். இந்நிகழ்வு 10,11,12,13 /07/2015 (ஐந்து நாட்கள்)ஆகிய ஐந்து நாட்களுக்கு தொடர்ந்து நடைபெறவுள்ள இந்நிகழ்வில் கனிஸ்ட, சிரேஷ்ட, புலமைப்பரிசில் மாணவர்கள் நூலகர்கள் பெருமளவில் கலந்துகொண்டு பயனடைவார்கள் என மன்னார் தமிழ்ச்சங்கம் எதிர்பார்ப்பதாக பொதுச்செயலாளர் மன்னார் அமுதன் தெரிவித்தார்.